Óskar Árni

Óskar Árni Óskarsson er fæddur í Reykjavík árið 1950. Hann ólst upp í Þingholtunum og gekk í Miðbæjarskólann. Hann stundaði nám í Samvinnuskólanum á Bifröst 1969 – 1971.

Óskar Árni hefur lengi fengist við ljóðagerð og þýðingar. Hann sendi frá sér sína fyrstu ljóðabók, Handklæði í gluggakistunni, árið 1986. Samhliða ritstörfum hefur hann starfað sem bókavörður.

Óskar hefur hlotið Ljóðstaf Jóns úr Vör og viðurkenningu úr Rithöfundasjóði Ríkisútvarpsins, auk þess að hafa verið tilnefndur til Íslensku bókmenntaverðlaunanna. Ljóð hans hafa verið þýdd á fjölmörg tungumál.