Lofttæmi
9
einu sinni ferðuðust flugvélar
milli tímabelta
fullar af handfarangri
og fríhafnarpokum
myndi þetta brotna í ókyrrð?
sögðu óttalausir farþegar
en flughrædda fólkið gat ekki hugsað um neitt efnislegt hausinn á þeim var eins og nisti sem rúmar bara eina fjölskyldumynd
samkvæmt ritrýndum heimildum er flughræðsla órökrétt og kvíði æfing í þakklæti
Ljóðabókin Lofttæmi eftir Nínu Þorkelsdóttur kom út haustið 2021 hjá Benedikt bókaútgáfu og er fyrsta bók höfundar. Fyrir þetta verk hlaut Nína Nýræktarstyrk Miðstöðvar íslenskra bókmennta, sem veittur er nýjum höfundum sem hvatning til frekari ritstarfa.