Lucinda Riley | benedikt.is

Englatréð

Þrjátíu ár eru liðin síðan Greta yfirgaf Marchmont Hall og fallegar hæðirnar í Monmouthshire. Í aðdraganda jóla snýr hún loks aftur, í boði gamals vinar síns, Davids Marchmont, en Greta man ekki fyrri tengsl sín við húsið – það er afleiðing skelfilegs slyss sem hefur eyðilagt meira en tvo áratugi af lífi hennar. Á gönguferð um vetrarlandslagið rekst hún á gröf í skóginum og veðruð áletrunin nefnir aðeins að lítill drengur sé grafinn þar. Gröfin kveikir eitthvað djúpt innra með henni og með hjálp Davids byrjar hún að setja saman brot úr ekki aðeins eigin sögu, heldur einnig sögu dóttur sinnar, Chesku, sem var fórnarlamb hörmulegra aðstæðna sem hún réð ekki við. Og alls ekki engillinn sem hún virtist vera …

Englatréð er grípandi fjölskyldusaga um minningar, ást og von – saga sem nýtur sín best á löngum vetrarkvöldum.

Lucinda Riley er höfundur bókaflokksins um systurnar sjö sem fangað hefur hug og hjörtu íslenskra lesenda. Englatréð er sjálfstæð skáldsaga.

Herdís Magnea Hübner þýddi úr ensku.

Kaupa bók

Bækur eftir sama höfund

Englatréð

Fiðrildaherbergið

Heillandi kynslóðasaga um átakanleg leyndarmál eftir Lucindu Riley, metsöluhöfund bókaflokksins um systurnar sjö.

Faðir hennar kallaði hana eitt sinn Rósu Pósu. Nafnið festist við hana og hún gekk alla tíð undir nafninu Pósa.

Hún hafði búið með pabba sínum, orrustuflugmanninum, og mömmu í Aðmírálsbústaðnum, ættarsetri föður hennar á Austur-Englandi. Feðginin voru náin, veiddu saman fiðrildi og áttu sinn litríka ævintýraheim. En vél pabba hennar er skotin niður í stríðinu og eftir það elst Pósa upp hjá ömmu sinni í Cornwall.

Pósa trúlofast Jonny og giftist honum síðar. Í millitíðinni verður hún ástfangin af Freddie, sem yfirgefur hana síðan óvænt. Mörgum árum síðar flytja þau Jonny í Aðmírálsbústaðinn og þar í skugga harmleiks elur Pósa upp syni sína tvo, sem eru mjög ólíkir og eiga hvor sína sögu.

Rétt að verða sjötug rekst Pósa fyrir tilviljun aftur á Freddie og veit að hún þarf að taka erfiða ákvörðun og opinbera leyndarmál.

Bækur Lucindu Riley um systurnar sjö hafa fangað hug og hjörtu íslenskra lesenda enda eru þær meðal vinsælustu skáldsagna í heimi.

Valgerður Bjarnadótti þýðir úr ensku.

Kaupa bók