Eva Rún Snorradóttir

Eva Rún er sjálfstætt starfandi sviðslistakona og ljóðskáld. Hún hefur um árabil starfað með sviðslistahópunum Kviss búmm bang og 16 elskendur. Eva Rún hefur sent frá sér þrjár ljóðabækur: Heimsendir fylgir þér alla ævi, Tappi á himninum og Fræ sem frjóvga myrkrið – sem kom út árið 2018 og hlaut ljóðabókaverðlaunin Maístjörnuna.

Eva Rún gaf út  prósaverkið Óskilamunir (2021) sem samanstendur af fjölbreyttum frásögnum um mannleg tengsl og sjálfsleit.

Eldri konur kom út árið (2024) og er fyrsta skáldsaga Evu Rúnar, þar sem ung kona rekur líf sitt frá barnæsku til fullorðinsára í gegnum frásagnir af eldri konum sem hafa heltekið hana.