Dagar höfnunar
Olga er tveggja barna móðir á fertugsaldri. Hún hafði séð fyrir sér feril sem rithöfundur en fórnaði þeim draumi fyrir hlutverk eiginkonu og móður. Þegar eiginmaðurinn gengur á dyr eftir fimmtán ára hjónaband upphefst æsileg atburðarás þar sem kona reynir að fóta sig í hyldýpinu sem opnast við höfnunina. Í ástarsorginni og örvæntingarfullri leit að skilningi á því hvað hefur gerst upplifir hún einhvers konar endurfæðingu og samskipti hennar við umheiminn taka stakkaskiptum.
Dagar höfnunar er að margra mati magnaðasta bók ítalska höfundarins Elenu Ferrante. Lýsingar hennar á sálarlífi og félagslegri stöðu konu á barmi örvæntingar eru sterkar, átakanlegar og stundum grátbroslegar.
Þýðandi: Halla Kjartansdóttir
Kápuhönnun: Ólafur Unnar Kristjánsson
ISBN:978-9935-488-22-0
191 bls.
Elena Ferrante
Sagan er hamslaus en elegant, hnífskörp en blíð. Bók sem þú getur lesið á einni kvöldstund en mun lifa með þér alla tíð.
Ótrúleg bók … ofsinn og ákafinn í þessum skrifum eru engu líkir.
Einhver mesti höfundur Ítalíu vorra tíma.