Eden
Málvísindakona sem er sérfræðingur í fámennistungumálum ákveður að breyta landi þar sem ekkert grær í Edenslund. Hjá íbúum í nálægu þorpi kviknar óvæntur áhugi á málvísindum. Á fjörur söguhetju rekur handrit að ljóðabók fyrrverandi nemanda hennar sem fjallar um ást ungs karlmanns á eldri konu.
Ég segi ekki neitt en hugsa með mér, hann gat klætt sig sjálfur og beygt orðið kýr.
kýr
kú
kú
kýr
Þessi áttunda skáldsaga Auðar Övu Ólafsdóttur fjallar um mátt orðsins og ábyrgðina sem við berum.
Auður Ava hefur hlotið Íslensku bókmenntaverðlaunin, bókmenntaverðlaun Norðurlandaráðs og hin virtu Médicis-verðlaun í Frakklandi.
Skáldsögur Auðar Övu hafa verið þýddar á 33 tungumál.
Auður Ava Ólafsdóttir
Hrífur lesandann með sér inn í myrkrið og þaðan í ljósið.
Bækur Auðar Övu Ólafsdóttur eru í senn einstaklega íslenskar og sammannlegar.
Bókin er með þeim allra fegurstu sem ég hef lesið […] enda hverfist bókin í kringum fegursta orð tungumálsins …