Okkar á milli
Frances er upprennandi skáldkona; hnyttin, rökvís og athugul. Á kvöldin slammar hún ljóð á lítt þekktum börum í Dublin ásamt Bobbu, bestu vinkonu sinni og fyrrverandi kærustu.
Frægðarsólin rís. Frances og Bobba fara í viðtal hjá blaðakonu sem þær meta mikils og vingast í kjölfarið við hana og eiginmann hennar, þekktan leikara. Við blasir áður ókunn og heillandi veröld: velgengni, velmegun, lífleg matarboð, sumarhús í Frakklandi.
En fyrr en varir verða samskiptin – og ástamálin – flóknari en nokkurn hefði órað fyrir.
Þessi fyrsta skáldsaga höfundar vakti gífurlega athygli og hefur hlotið mikið hrós. Bráðskemmtileg og fersk saga.
Þýðandi: Bjarni Jónsson
Kápuhönnun: Ólafur Unnar Kristjánsson
ISBN: 978-9935-488-26-8
302 bls.
Sally Rooney
Eitursnjöll, bráðskemmtileg og kemur á óvart
Ótrúlega frumleg saga um framhjáhald.
Persónur Rooney í sögunni Okkar á milli eru vel skapaðar, flóknar og oft á tíðum er erfitt að átta sig á valdaójafnvæginu þeirra á milli sem er rauði þráðurinn í bókinni. Höfundur segir söguna í gegnum Frances á einlægan hátt og hugsanir hennar flæða blátt áfram. Frances lýsir hlutunum nákvæmlega eins og þeir gerast, eða að minnsta kosti eins og hún sér þá, sem gefur sögunni sérstakan blæ. Á tíðum er eins og orðin renni á blaðið í meðvitundarstraumi sem fangar lesendur með í dimman og sjálfskaðafullan hugarheim Frances. Undirrituð hlakkar til að lesa meira úr smiðjum hinnar ungu Sally Rooney, sem gefur innsýn í hugarheim ungs fólks og eldra sem aðhyllist eins konar fjöllyndi, hvort sem það er viljandi gert eður ei.